Ipan se calixpamitl oncayaya se tepostli campa ajsiyaya atl,
nechca se mestli san nenpolijtoya pampa chichipicayaya.
Teipa nopa caltecojtli quisencajqui huan quiijto para quitzacuas nopa tepostli para ma ayoc quema moahuilotla atl.
Ipan nopa tepostli mocajtoya ome tlachipimitl,
se ica inejmatl huan se ica iarravez,
onajsitoyaj atl pero ayoc chicahuac ajsicoj huan yeca ax huetzicoj queja ne sequinoc tlen mahuiltiyayaj nepa campa momantoc.
Teipa san motlachilijque nopa ome tlachipimitl huan mo huejcatlajpalojque.
Hasta huajcaya,
nopa tlachipimitl mohueyimatiyayaj pampa quimatiyayaj para hueyi ininpati.
Sequi mohueyinequiyayaj huan ax monojnotzayayaj.
Nopa tlen más cuejcuetzi quitlajpalo nopa tlen hueyi,
pero ax quinanquili.
Nopa cuejcuetzi moilhui:
Yonque ax nechnanquili,
huelis timocahuase se ome tonali huan timocamahuise,
ax quejatza intla ax niyas nimahuiltiti nepa campa momantoc atl campa nochi yohuij huan momiyaquilía huan ayoc elij tlachipimitl tlen tijtilactic queja na.
Nopa hueyi tlachipimitl tlemach tlachihuayaya,
motijtilanayaya,
motzocolohuayaya ayoc quimatiyaya tlachque mochihuilis.
Nopa cuejcuetzi tlachipimitl quiilhui:
Para tlen tlemach timochihuilía,
¿ax tiquita para huelis timoxelos?
Huan tielis ti ome o timomiyaquilis?
Nopa hueyi tlachipimitl quinanquili- Ax titlatlepanita,
huelis tihuihuitic.
Quejatza tijmati para tinechcamahuía!
Ax tiquita san na nimocajtoc ipan ni tepostli huan nechselise ica yejyectzi nepa campa momantoc atl,
campa nech chiyaj ne sequij.
Amo xinechnojnotza pampa ticuejcuejtzi huan titomahuac.
Timoilhuíaj ajqueya quinequi elis queja ta.
Huan nopa cuejcuetzi ichtacatzi tlananquili- xinechtlapojpolhui- achi cuali pejqui huica huan ayoc quichijqui cuenta para quicamahuis.
Moilhui:
- Yonque yanopa moilhuía,
san se techsencajtoque,
ti eli atl.
Nopa sequinoc tlachipimitl tlen itztoyaj campa momantoya atl,
ayoc mopaquilismacayayaj.
Mosiyajcajtoyajya pampa tlaxicohuayayaj.
Panoc nopa ijnaloc huan tiotlac.
Nopa tonati quitotonili nopa tetl huan campa momantoya atl motzocoyolohuayaya,
ayoc mocaquiyaya queja chochoyocayaya nopa atl.
Nopa tepostli campa ajsiyaya atl mototonilijtoya,
yeca nopa hueyi tlachipimitl ayoc tleno huelqui quichihua,
san mocajqui queja nopa a tlachipimitl tlen tomahuac.
Tlaxicojtoya huan mocuesohuayaya pampa quiitayaya queja tonati quihuatzayaya nopa sequinoc tlachipintini,
pero ya quejipa moilhuiyaya para quichiyayaj ica se hueyi tlaixpiyali.
Yonque campa momana atl,
más motzocoyolohuayaya.
Nopa cuejcuetzi quicamahuij huan ayoc quiilnamiquiyaya tlachque quiilhuijtoya,-
Quiilhui,
achi cuali ma timocamahuica huan ma cuali timohuicaca noque tiitztoque
nicani huan quejnopa no timoitajya!
Nopa hueyi tlachipimitl quitlahuejchihualti huan
quinanquili- Nimitzilhuijquiya para xitlatlepanita,
ax tiquita para ni hueyi huan cuali ni nesi
- Ax tlantoya camati quema quinejqui motilanas huan quinextis quejatza
nesiyaya.
Mocuatepexihui huan huetzito tlalchi.
Huajca nopa cuejcuejtzi,
quema quiitac para huetztiyohua campa mantoc atl;
quitzajtzili huan quiilhui,
xiyohua ica cuali nohuampo timoitajyoc.
Huajca nopa cuejcuejtzi tlachipimitl mocajqui huicatica … Se Cuatzocoyoli nejnemiyaya huan ohuijtic tlejcoc huan quiijto,
nijnequi ne tlachipimitl atl niquis,
ma ax huetzi tlalchi para huelis niquis.
Yejyectzi nopa tlachipimitl tlen temaca nemilistli,
nel cuali nimitzpanti para nimitz is.
Ni amictoyaya quiijto nopa Cuatzocoyoli.
Nopa pil achipictzi ixhuetzcac,
achi cuali campa niyas huan ma ax nechhuatza nopa tlatotonilotl nepa teyo,
ama quipalehuisquía ma quipiya nemilistli seyoc.
Nopa tepostli ayoc quema temacac atl,
nopa tijtitlahuac tlachipimitl atl quimanahui iteixmatzahua nopa Cuatzocoyoli pampa amijca mictoyajya.
Quema atlique,
huelque patlanque huan ajsito campa ax mahuilili huan campa oncayaya más atl.
AUTORA DEL CUENTO
Isabel Gama
TRADUCCIÓN Y LOCUCIÓN
EN NÁHUATL DE LA HUASTECA
Reyna Alvarado Reyes
CORRECCIÓN Y REVISIÓN
DE ESTILO EN ESPAÑOL
Ytzel Maya
ILUSTRACIÓN Y DISEÑO EDITORIAL
Jessica Mitzy Reyes Juárez
RESPONSABLE DE DISEÑO
DEPARTAMENTO DE DISEÑO MULTIMEDIA
Fernando Ivan Dupotex Herrera
DESARROLLO DE AUDIOLIBROS
DEPARTAMENTO DE DISEÑO DE
MATERIALES DE LENGUAS INDÍGENAS
Luis Flores Martínez
INSTITUTO NACIONAL DE LENGUAS INDÍGENAS
DIRECCIÓN GENERAL
Juan Gregorio Regino
DIRECCIÓN DE POLÍTICAS LINGÜÍSTICAS
Alejandra Arellano Martínez
DIRECCIÓN DE COMUNICACIÓN SOCIAL
Rogelio Hermenegildo García
RESPONSABLE DE LA PUBLICACIÓN
COORDINACIÓN DE DIFUSIÓN
Y ASUNTOS INTERNACIONALES
Gloria Jadra Gutiérrez