Tuku ku’a ni chinu si’u,
ñavi chi kati ni chinuña masi vita ña’a kuuña.
Ñavi chi kaa ni chinuña,
soko taki ña’a kuñuña ña’a ndava tava banca escuela.
Maa ra ntioo sava’a chiña ku’aya vati tiñuña ku tu’un sa- na’agan,
nde’e:
Ui titi nuu si’u io soko teicha cientu ta’an titi nuuña nde’o,
masi iti chataña ta va su’i chavixi soko va nde’eña chi,
chitoña ta’an- ña ni sava’i escuela masi satiñuña.
Ta,
masi ui uni cha’aña io vati,
vati tacha cha’anña escuelayu cha vachiña nu ni sa- tiñuña,
ndisoña sa’ama ni ndoo ta ndiso- ña chava kachi ndi,
ndisoña xita ta nda in chavixi lu’u chava ku’a in chi yu’u ta cha ndisoña in chi yaniu.
In magu ku si’u ta masi tasi ta’anña… vati tacha ndaka ñi tañi tarea escuela ta naa iniu katiu chiña,
va tavani si’u un yutu lu’u va sava’aniña in sa’ma cha ndaka maestru chi…
Ta inga ndiotuku,
io cha’a,
sataña ndi’i cha ndakechiña,
in va tuini chi,
ta tacha ketayu kuiayu nivi kaa ndi nu chito.
Takiga si’u ta ñaviga ñi kuu nuu chi in ñuu vati cha kuu pacienciaya kuenda ñi kuu nuu ku che’e,
ña’ni ñaa cha ña va’a va koo xini si’u tacha chise amiguyu ve’i nda’yu chaandi tava kunundi chi ta’anndi ta va siki ndi Cha ni kuu,
takan io ndi.
Tacha cha’in chi doctor chakunda si’u nde’anchi,
an tacha sikiyu parque,
an ta- cha kei escuela.
Tuku ku’a ni chinu si’u,
kee nduta nuan tacha nde’an chita cha’i ta tacha ñaa ndakuan ñava kee va’a ña tu’aña nda’yu,
nda chakan vati va ku’agaña tundeini chi.
Ndi’i chava katian ta va sava’aña chi,
tu cha ni ka’anña xini,
¡va kunda taxiyu!
Ta tu ñaa va ku’aña chi,
masi cha chinuka’ni soko va ni’ichi;
ta tu ni katiña vati va ku’undi in viko,
numi na’a soko va ku’undi taki su’a ña’a chakundaña tava tavaña ita niñuyu.
Chakuaa,
in saa va kuu si’u vati va kataña in yaachi,
an va ndatu’an in kuendu lu’uchi nda va kuakui tasa va kusi.
In doctora kuu si’u,
in va nde’enian titinui ta cha chitoña ña va ko’i,
va ku’un ndi nu io doctor soko si’u cha chitoña ña ta’in tuku ku’a ni chinu si’u,
vati ndi’i cha chitoña ndi’i va kotoña ta ndi’i va sandu va’aña.
Soko,
na katiu vati ña ndi’ichi chitoña,
vati ña chitoña cha kuniu chiña chi ndi’i anima lu’i ka’nu nuniu chi si’u,
vati taki xaan ñi ña’a,
vati kuniuan ¡kuu si’u chiña!
AUTORA DEL CUENTO
Isabel Gama
TRADUCCIÓN Y LOCUCIÓN
EN MIXTECO DEL OESTE DE LA COSTA
Hermenegildo López Castro
CORRECCIÓN Y REVISIÓN
DE ESTILO EN ESPAÑOL
Ytzel Maya
ILUSTRACIÓN Y FORMACIÓN
Lilia Isabel Martínez Ruiz
RESPONSABLE DE DISEÑO
DEPARTAMENTO DE DISEÑO MULTIMEDIA
Fernando Ivan Dupotex Herrera
DESARROLLO DE AUDIOLIBROS
DEPARTAMENTO DE DISEÑO DE
MATERIALES DE LENGUAS INDÍGENAS
Luis Flores Martínez
INSTITUTO NACIONAL DE LENGUAS INDÍGENAS
DIRECCIÓN GENERAL
Juan Gregorio Regino
DIRECCIÓN DE POLÍTICAS LINGÜÍSTICAS
Alejandra Arellano Martínez
DIRECCIÓN DE COMUNICACIÓN SOCIAL
Rogelio Hermenegildo García
RESPONSABLE DE LA PUBLICACIÓN
COORDINACIÓN DE DIFUSIÓN
Y ASUNTOS INTERNACIONALES
Gloria Jadra Gutiérrez