Hɇ lɇ' hnan' 'ie hnan' mku ala hlɨn hnan' hñe ka thían hnan', la hwa hwɨ hɇ kyùn hnan' hwan hnan' en hɇ ñu hnan' kwe lagɨ en lhɨn hnan' la hwa whɨ hɇ' hnan' 'ie hnan' mku lagɨ hwɨ hɇ kyún hnan'.

Hu i tyun hnan' lɇ's sten hɇ lun hon lɇ' thon hɇ tha' mku, ko hu i lɇ' hɇ lun lɇ' 'uan, chi'nhan ron hnan' ñu tsɨ' hnan' lɇ hm kón i lun lagɨ en nyun ma kyen han tso' tyun hu la'. Hu kyú México ñu tsɨ' hnan' ky thía lun hɇ kyún hnan' i la hɇ cha kyán hwɨn tso' tyun mku ky ma kyén hɇ lɇ' hnan'.

'Nyàn nnen hnan' i 'nyàn ngɨn hnan' hɇ lagɨ nee hɇ thía ma kyén hu kyún hnan' 'nyàn hm hnan' kure we' hwɨ hɇ kyús hms kurɇ' hon le ngɨns hm kure pi tɨn hm chi hon lɇ' ngɨns, 'nyàn hó kyú ciencia, hó kyú física, nyan hm hwɨ kyán lagɨ o' 'nu hon lɇ ngɨns sten lagɨn tyan a la lɇs hwɨ kyún nhan' hon lɇn i hɇ kyù hu i lɇn i re hwɨ kyù cienia.

Kyán hwɨ ta kyùn lagɨn hnan' ka lɨ' nee ka hm xi la xi thía'an 'nu nee ta ka hm tso' tyun hm ta hóo kyú Sociedad Mexicana de Física, kyán tso' tyun hm ta hóo kyú Instituto Nacional de Lenguas Indígenas kyán lagin tso xtón ihman nee xi la lagɨn tso' ka hm 'we hwɨ hɇ kyú. Hon lɇ' 'ie 'nu xi la.

Nee ñe xi 'no hnan' 'ie hnan' 'we kyú física hwɨ hɇ kyán nhnan' 'no hnan' m'on hnan' hwɨ hɇ kyús hu kyú México chas hɇ 'no hnan' thíun hnan' hm hnan' 'we ky thía kón xi i xtón le' lɇ hwɨ hɇ kyú hnan' chan' nhan' hɇ hu hɇ kyú hon lɇ' is hwɨ kyús ma kyen han hon lɇ thía hɇ kyún hnan lagɨ hman.

Xi pi la xtón ta kyú hwɨn tso' hña hnan' tɨ' 'o hna' hon kwe lɇ ñu 'o ñu lɇ' ron 'nu thían 'u hu kyún hnan', hɇ lun thía ila i lagɨ i ñin hu thía ila 'we kyú México.