Thía lun hoó la kón hoo lɇ hɇ né hnan’. Hwa kon la hwas kon, lɇ hɇ man mate hia tsoh ki ‘e chi mhu’ kyú tsoh lɇ hɇ hakun lagɨ ñen kyú mli ñe ate hnan’ lɇ hɇ.
I ches ikus hman horno kyú microonda, kó sɨ ate tsoh lɇ hɇ ila hman microondas latɨ teléfono celular kyán radio kó sɨ ate hnan’ lɇ hɇ mate cha hnan’ hɇ. ‘ne tɨ’mɨn lagɨron kó sten sɨ xa’ sɨ ate tsoh lɇ hɇ, la hwas sɨ hman rayos X kos mate chis kon sñen a la hnean mm kyús.
Lagɨ sɨ’ lɇ hɇ hnan’ mate thɨ mkɨ lɇ hɇ hnan’ ñe kyú mkɨn sɨ’ ate hnan’ lɇ hɇ la hwas sɨ’ kos mate chis kon sñen a la hnean mm kyús ‘ies hwi ti’ne o sɨ hman microonda, sɨ la hman radiación electromagnética. I hm lɇn kyán sɨ xa’ kón i lun pí kyú.
Hwa kón la hwas kon, sɨ hman rayos X i lun pí lakón pí lɇ hɇs i pí la tɨ lun lakon pí kyú microonda i pí kyú microonda lun lakon ikos mate hms sun.
Lagɨ ina ñun hnan’ kyú radiación electromagnética maka lɨ chi kos hon lɇ hms mɨn lagɨ en ‘nyus la hwas sñe’ sun’ hwɨ lɇs, ‘wes sñe’ kyú ‘ɨɇs latɨ hms ‘ɨ kyú tsoh lɨh tsoh ñen ‘ɨɇs tsoh hman cáncer.