Mi nña lo ka tsa nee ka tsós kón mku tɨ’la tsó tɨ ihun i tyun hnan’ nowa tyun tɨ ihun tɨ uthɇ’ tsó. La hwa nee hɇ ‘nee lɇ hwan hnan’, maxhó, matyun kopi makɨn han.
Nowa chu’ hnan’ lun tɨ’hnan kyú mku kyún hnan’ lɇ’ hɇ hnan kópi lagɨ i mthía i ‘neen, hon lɇn hnan’ lama xhó ma lɨh, mku kyún hnan’ malɨh kon mɇn pi mnyu maxkun tya tya ngon /mthían tya kyán run.
‘Nyùn chi ala hnean kon maa xkun tya tya ngòn latɨ han mɇn pi pi kwa, nyùn chi ine ‘i ‘yu, kya Vía Láctea kya lagɨ mku; tɨ’ tɨ’ne. Nyu chi lagɨ i tyu tɨ’ne hwɨn naka ta’. Nee ‘nen ka thían mku kyún hnan; hwɨ hon ka lɨ hman kyán ‘we ho lamné hon.
Ila hman La gran explosión, hwɨ hɇ la len tsoh mtɨn la ka lɨ mku kyún hnan. Exploxión pa la ka kwe hwɨ ka lɨ sɨ, kya lagɨ en thía i tyun hnan’ ‘nee.
Hɇ i ma’on ‘we la ku’ne chu’ ku’ne ku’ latɨ ngun mku la ihú. Hon lɇn hnan’ kón ron ma nyun ‘klo.