Wa'ats jayej i tajaxtaláb axi i wal yab in ejtowal kin tsu'uw. Ejtil, an tsanchik in ejtowal kin tsu'uw in k'ak'ém i iniktal, ani an ko'nél axi bijiyab ti chabcham (aniyej bijiyab tsi'im) in ejtowalchik kin tsu'uw in muklabil an wits axi wawá' yab i ejtowal ki tsu'uw.
An pat'ál axi u eynal abal ki k'ak'dha' an k'apnél (axi bijiyab ti horno de microondas) in eyendhál jún i k'amal axi yab i tsu'tal, axé' in bij microondas, axé' jayej u eyendháb k'al an tsakam pat'ál axi a eyendhál abal tit t'ilóm k'al a yanél, ani an pat'ál axi in wat'bál an káw in eyendhál i tajaxtaláb axi yab tejwa'. Al an pulik atáj ilalixtaláb u eynal pil i tajaxtaláb axi yab u awil ki tsu'uw ejtil an tajaxtaláb axi in bij X (rayos X) axé' u eyendháb abal ka kaldháj in k'ot'bíl i beklák.
Patal an tajaxtaláb, axi u awil ki tsu'uw ejtil in wal an pits'al, aniyej axi yab i ejtowal ki tsu'uw ejtil an tajaxtaláb axi bijyab X (rayos X), aniyej an tsakam tajaxtaláb (microondas) in bijchik radiación electromagntica. Poj axe'chik lej k'e'atk'ichik kom in kwa'al pilchik in tsapík.
Ejtil, an tajaxtaláb axi bijiyab X in tsapik lej yan, ani an tajaxtaláb axi i ejtowal ki tsu'uw yab lej yan in tsapík. Axé' in tsapík lej yan ani an microondas lej we'.
An microondas lej yan in tsapik ani an tsapiktaláb axi u eynal abal an pat'al axi in wat'bál an káw jaj lej we' in tsapík.
Tam ti exbanchij tin kwentaj an radiación electromagntica u awil ki ts'ejka' i it eyendhanél ejtil an pat'ál axi in wat'bál an ejel k'otbiláb, an pat'ál axi in wat'bál an káw, an pat'ál abal ku t'ilmáts, in kot'bíl i beklák ani abal ka tolmiyat an atiklabchik axi in kwa'al an kidháb yawláts axi bijidh ti kanser.