Da xomu̷ mi jyas’u̷ ñe dya b'u̷b'u̷ e zana, so̷’o̷ ra jandaji na punkju̷ seje mi ri b’ob’u̷ji k’a juajma. Yo sejeyo nza kja i jyaru̷ji, kja’a yo na nojo ñe yo ts’ike, pe ni jogu̷ji ko d’año ma ndajma ñe o xoñijomu̷.
Nujyo mi kja jogu̷ daño ndoñijomu̷, te’e na punkju̷ yo ndoñijomu̷ xo jyu̷b’u̷ na punkju̷ k’a nde’e, k’o noku̷ na punkju̷ ñe yo partikula k’o b’u̷b’u̷ a nde’e pat’u̷ na punkju̷ a kjanu jogu̷ yo xiji fusion nuklear. K’o ot’u̷ ra chjans’a ngeje ne hidrogeno k’o nda ts’ike ñe nge k’o nda ja̷’a̷ na punkja̷ a jens’e;
a kjanu pjuru̷ ra jogu̷ ñe jyu̷b'u̷ yo atomo xo za̷ra̷ o sibi ne seje. Mi tu’u yo seje tu̷d’u̷ ñe pjot’u̷ texe yo atomo k’o jogu̷ a nde’e a kjanu ra yepe ra mburu̷ ra jogu̷ xi daja seje.
Kja i sistema sorlarji mi pe̷s’i nujya mu̷ o jogu̷ nge a kjanu yo atomo k’o mi b’u̷b’u̷ yo daño seje o jmuru̷ ñe o jogu̷ in xoñijomu̷ji ñe k’o kja’a nuba, nza kjazgoji. Mi ri otjo seje, dya ri b’unk’oji ñe dya ri kjagoji t’onu̷, jankjo ga jogu̷ yo seje?