Nu nanoteknologia ngeje ko a̷tr’a̷ji k’u̷ ts’ikeleje, k’o dya jogu̷ ra jñanra in chjo̷ji, ma ra janraji ra jyod’u̷ ko na mikroskopio. Nujyo nra ts’ikeleje ma ra jye̷ts’iji i xiji nanometriko. Ñe ma ra pa̱nra̱ji jinga ts’ikenu, nza kja mi jye̷ts’iji na ts’idyoxu̷ k’o b’u̷b’u̷ k’a ixi ñe nu xoñijomu̷,
ma ra tsjapu̷ji ra ts’ik’e trexe nujyo, ne xoñujomu̷ ra nzakja ne ixi, ne ixi dya ra ñetse, ne dyoxu̷ k’u̷ mi b’u̷b’u̷ nge a kjanu na nojo ne nanometro.
Ne nanoteknologia xoru̷ jankjo ga so̷’o̷ ra dya̷tr’a̷ji yo nra tsike nza kja yo molekula ñe yo atomo.
Ni dya̷tr’a̷ji ko molekula ñe atomo yo nanoteknologia. Ko mamaji k’u̷ ngeje da b’e̷pji, ngeje ra dya̷tr’a̷ yi s’o̷dye ñe a kjanu a̷tr’a̷ji nano-robots, k’o kjaji nza kja nge joku̷ji yo selula k’u̷ pe̷s’i kanser. Ma ra dya̷tr’a̷ji yo selula k'o pe̷s'i kanser,
o jmuntru̷ji janzi molekula k’u̷ b'e̷pji nge nza kja’a nanorobot ñe nujya trotr’u̷ yo selula k'o pe̷s’i kanser, kja̷ngu̷ sopu̷ji ko yo ngo̱'o̱ ñe nuji kjo i joku̷ o i a̷tr’a̷ji. A kjanu so̷'o̷ ra mamaji mane so̷'o̷ ra dya̷tr’a̷ yo tre'e yi pe̷s’i kanser.