B'u̷b'u̷ o s'ibi k'o dya so̷'o̷ ra jñanda in cho̱'o̱ji. Nziga kja: ye k'ijmi so̷'o̷ ra jñanrraji nu pa'a k’o pe̷s'i in nzeroji ñe yo ngu̷jnu̷ so̷'o̷ jñanda o tsiji k’o dya so̷’o̷ ra jñanda yo te’e.
Ye horno ne microonda ma ra pat’u̷, ni jyod’u̷ o sibi k’o dya ri jandaji, chu’u microonda ñe a kjanu yo selular, ne radio xo ni jyod’u̷ o sibi k’o dya so̷’o̷ ra jandaji, mbara ra pjot’u̷ji jña’a. kja ne tangundya̷te ni jyod’u̷ji daño ma sibi, nza kja yo rayos X k’u̷ so̷’o̷ ra jñandaji yo ndodye.
Texe yo s'ibi, k’o ri jandaji nza kja yo tsiji ne b’e̷sibi ñe k’o dya b’atu̷ nza kja yo rayos X o nza kja ne mikroonda, in chjunjyo “radiasion electromaknetika”. Nza kja, yo rayos X nda na zezhi o sibi ke yo sibi k’o ri jandaji ñe b’e̷pjatjo ne mikroonda, pe ne mikroonda nda na zezhitjo ke ne sibi k’o ni jyod’u̷ ne radio mbara ra za̷ra̷.
Mu ro panraji pje nge ne radiasion elektromagnetika , o so̷’o̷ o tsjapu̷ji dyeje ma ro joku̷ji yo teknologia nza kja ne telebision, ne radio, yo selular, yo radiograpjia ñe ma ra dya̷’ta̷ji ne kanser.