Yo seje k’o ri janraji a jens'e xo ngeje o jyaru̷, mane pe̷s’iji yo xoñijomu̷ k’u̷ xinch’piji. Mamaji mane kja’a zaku̷ k’a d’año xoñijomu̷, ngekua yo tre’e yo xo̷ru̷ yo seje jod’u̷ji jango b’u̷b’u̷ ke xoñijomu̷k’o, k'u̷ pe̷s’i yo d’año seje.
Nu za̷nt’o nu kje̷’e̷ 2016, yo xo̷ru̷ ye seje ne Observatorio Espacial Austral, mamaji ke b'u̷b’u̷ na xoñijomu̷ k’o jye̷ts’ibi nza kja in xoñijomu̷ji. Jero dya nge̷xtrjonu̷, mamaji k’u̷ nu xoñijomu̷ nge k’u̷ nra be̷xtr’o xinch’i o jyaru̷ k’o nge e Proxima Centauri B ñe ne jyaru̷ nu nge nra b’e̷xtrjo xinch’i i jyaru̷ji; ngekjua a kjanu ke mane so̷’o̷ ra kjiñiji k’u̷ naño xoñijomu̷.
Xi be̷xtrjo na punkju̷ ko ra pa̱ra̱ji, ngekua dya be ri pa̱ra̱ji na jo’o jango ga kja ne xoñijomu̷k’u̷, k’o chotr’u̷ji e Proxima Centauri b ñe mane pe̷s’i zaku̷, mamaji patr’u̷ nza kja in xoñijomu̷ji.
Nu xoñijomu̷k’u̷ d’año ga xinch’i pe janratrjo janratrjo in seje. Ko ri mamaji, nu nre’e nu xoñijomu̷ k’u̷ ngeje o pa’a, nu nre’e k’o ponkju̷ ngeje xomu̷, dya xi kjuaru̷ o dya poru̷.