Se youal keman takistok uan amo metstona, itech milaj, uelis se kinitas miyakej sitalimej itech iluikak. Neje sitalimej no chijchiujtokej kemej ne tonal, sekin kachi uejueyin uan oksekin kachi tsikitsitsin sayoj ke nochin mochiuaj ika ijpotok teyin monotsa hidrógeno uan mixuak.
Nijin ijpotok uan mixuak mololouaj, nejin teyin mochiua ololtik moskaltiya, mochiua tel ueyi uan ijkon moteltaliya tatajko uan xota. Achtopa momaneloua yejua ne ijpotok hidrógeno, ta amo yetik uan yej kachi onkak itech in Semanauak;
ijkon mochiua se kuemit kanpa motekpanaj átomos teyin ijkon etixtiyouej uan, ika in, mochiua tit itech ne sitalin.
Ijkuak miki, ne sitalin toponi uan seki átomos teyin mochiuak tayijtik momoyaua itech ne mixkouat, uan kichiua maj mochiuakan oksekin sitalimej.
Ne átomos teyin mochiuakej itech oksekin sitalimej,ijkon yolik totaltikpak. Totaltikpak uan nochi teyin onkak itech, kemej tejuan. Maj amo onkanij sitalimej, tejua uan nejua amo nikan tiyetoskiyaj timotajtanijtoskiyaj ¿keniuj mochiujkej ne sitalimej?