¿Keniuj uelis titayis in ueyistajat? ¡Maj sekikixtili in istat! ¿Tikmatiya ke onkak miyak tamatemolis uan mochiuaj teposmej teyin ika uelis sekikixtilis istat in at?
Yejuan nejin tekimej teyin motenijtouaj, achipaualis ika teposmej teyin amo tapitsochiuaj, kemej ne ichikaujka tonalmeyot.
Keman se kisentiliya itech uejueyi kuetaxmej uan nejinkej, maj yetokan taijtik kanpa takauani kemej se invernadero, uelis mochipauas in at. Nejin at mitoniya, in ijpotok mokaua itech in tatsakuil uan ompa tayijtik, tajuachuetsi, nejin chipauakat teyin mosentiliya uelis se tayis.
Nejin tamatemolis mosentoka uan ijkon uelis sekichiuas kachi kuali nejin achipaualis, uan uelis se kiuikas, ika chipaujkayot, ne istajat kanpa se kichipauas. Moneki maj semochiya uan ijkon satepan oksekin tonalmej, maj ueli se kitas, ijka teposmej teyin amo tapitsochiuaj, nejin nekuelmololmej teyin kipiya toatsin.