In tamachilis teyin motokaytiya nanotecnologías, se nemachtil uan kinchijchiua teposmej tel senkaj tsikitsitsin teyin amo ueli motaj ta sayoj ueli motaj ika se tepos teyin motokaytiya microscopio.
Nijin tamachiuj monotsa nanométrica uan ijkon kachi se kiajsikamatis keniuj chichiujtok, uelis se kinemilis se askat teyin nemi itech in taltikpak uan in taltikpak se kitsikitsintiltiya uan ijkon maj aki itech se imakpal. Nijin askat no motokotsojtiyaj. Nejin askat mokaua keme itamachiuj se nanómetro. Amo mota.
In teposkonemej teyin mokuij itech in nanotecnologías, tel senkaj tsikitsitsin teyin mochijchiuaj ika tsiktsin moléculas uan átomos. In teposmej motekitiltiyaj itech in tapajtilnemachtilmej kampa mochijchiujtokej nano-robots, teyin uelij kinpaleuiyaj seki células oso kinpojpolouaj teyin mokokouaj, kemej in células cancerígenas.
Ueli se kinsentiliya miyak moléculas teyin kiskaltiyaj se nano-robot, uan ika nijin teposmej uelis se kinixmatis katin células mokokouaj, nejin tamatilismej moixyeyekouaj itech kimichimej. Nijin tamachilis kitapoua se yankuik nemachtil kampa moixnextiya keniuj se kinmiktis células cancerígenas teyin tekokolismakaj.