¿Nári wua itsïmani itsï k´érini? ¡itumikwa p´ikuntani! ¿mítespiri éska kánikwa ampe jirinhanhantaxaka ka únhataxatiksï mámarhu jásï úkatecha énka jarhoatawaka itumikwa p’ikuntani itsïni? Eratsekwecha sánterhu ampakiticha pári jinteni ampe niátani, jimastiksï énkaksï, sési jásï winhapikwa maruatka, éska tata jurhiateri t’íntskwa ampe.
Éka itsï itumiti jatarhini jawaka jatakuecharhu, ka jinteksï jatakwecha, jatanhatirini jarhani k´uta sapichuni jásï ma jimpo náilu arhikateri énka tsánta jimpo jorhepka, úsïnti úkwarini janikwani jásï, jatakwecharhu wératini suáratarani itsïni, ka jinte suánta márku úkwarhintasïnti tsirintakwarhu ka ónchikwarhu jini k’úta náilurirhu ka ísï jimpo yurhunharikuntasïnti itsï amponhariri, énka tánhantka ka jinte ampakisïnti pári itsïmanhani.
Jirhinhanskuecha no méni k´amakurisïnti pári sánterhu sési ják’untani jinte yurhunskwa, ka úni páni no xáni ikichakweni jánstkapani, itsï k’érirhu wératini k’uta náilucharhu jamperhi, jóperhu erokwarisïnti eska no yóni jimpo, wuáka etsakwanhantani i wantanietechani pari yámintuecha jatsinhaka itsï.