astrónomo: rejói, mukí ma mápu suwábaka namúti rewegáchi nirúame e’néra mápu riká seporí. Benéka, chú ikí, aniká chú yíri jú a’rí chú ikiméa.
átomo: biré átomo ko ta kíto namúti jú mápu ta ke retewá pe je iriká ko. Biré átomo ko níwi núcleo aneríame, a’rí biré, ajaré electrones ma. Ayéna cho jú échi kúchi kito namúti mápu náti newárame jú suwábaka namúti suumá nirúame. Mápu riká kobísi we píwitame.
ciencia: jereká aneríwa mápu arí suwábaka namúti kawichí a’rí wichimóba nirúame e’nériwa. E’néka chú ikí, aniká chú yíri jú a’rí chú ikiméa jaré namúti.
científico: rejói, mukí ma siénsia benéame. Ayéna cho siénsiachi nóchaame.
fusión nuclear: mápu arí seporíririchi suwábaka namúti we rachía mochísimi. Mápu arí jé ikí ko we ratabára, échi kíti berá seporí ko tamó rasóbi. Ayéna cho suumá rewegáchi ratarí nijí.
galaxia: ko jú mápu oná wiká seporí napawíka muchúwi, ajarécho kawí má o’maána nirúame mápu reká bemorí a’rí napisó sí.
horno microondas: na namúti ko ta mi na’íti newaré kíti ko’wáame o ba’wí ratabáchima pachaána manásiwa, na na’í ko ta ke retewá. Na na’í ko microondas anería.
microscopio: na ko biré paráti jú mápu ta náti kúchi kíto namúti retewá. Na namúti ko ta ke tási retewá pe je iriká ko; átomo aneríame, kókiri, ajarécho namúti ma riwibóa échi náti.
molécula: biré molékula ko kayéna mápu arí okuá átomo napawíra; ba’wí ko okuá átomo hidrógeno a’rí biré átomo oxígeno ní’wi.
planeta: namúti kapórame mápu biré seporí norérika úma.
Próxima Centauri B: biré pilanéta mápu yíri tamó kawíwara cho. Na kawí Próxima Centauri B aneríame ko, murípi simíro mápu oná atí rayénari, échi mápu ta re’pá retewá.
Próxima Centauri: na seporí ko péibi á muribé simíro mápu oná rayénari mápu ta ré’pá retewá atí.
robot: robóti ko biré paráti jú mápu á benériwa chú riká nocháma kíti binói isimaá wiká namúti ke tási risiká.
vía láctea: je reká rewará échi científicos, galaxia mápu oná tamó rayénara atí a’rí mápu oná ajaré ka’wí noréraka újuma.
Kuríwame ra’íchari
kabisióni: televisión
paráti: aparato
pilanéta: planeta
rário: radio
robóti: robot
selulári: celular