Gu nanotecnología jir dhi’ gui’ na ja mamtɨ gio nap tu bua gu’ ɨlhi’ch dispositivos nam cham max no’ñ pui’ mi tɨi nɨi’ñ hasta gu microscopio kɨ’n na mia’n tu mamxi’ñ’. Dhi’ ja’xbui’ñi pui’m tɨtɨ’ nanométrica gio nach ba’ am mamtɨrda’ na jɨ’x pui’m tɨtɨ’, pui’ xich aga’ ich na ma’n gu arampo na ma’n nanómetro medir ja’xbui’ tɇb damdɨr oirɨ ma’n gu narankas ta’m,
¡gu arampo ja’xbui’ gɇ’ nɨi’ñdha’ gu narankas na jɨ’x jir gɇ’ guch o’iñga’ntuk! Gui’ nam ki’n tu’ jax bua mi’ nanotecnología tɨr jir io’m ɨ’lhich pui’ nam ba’p jum bua gok alh kɨ’n gux biga’n gu tu’ nar moléculas gio gu ɨ’lhich ga’n nar átomos.
Man gui’ na kɨ’n jix bhai’ nam tu’ jax xi buada’ dhi’ puchu’m gui’ nam kɨ’n ba tu duduadhi’ñ dha’ jip ja bua’t am gu nano-robots nam jix matɨt ja ko’kda jɨ’kpɨx gui’ na kɨ’n map dagix guch babxi’ gioch tuku', japna’ gui’ nam jix dhɨnbalhka’.
Dhi'ñi kai'ñkam gui’ na kɨ’n jum da’ guch bakxi’, ja jumpai mɨt gux bii, nam moléculas tɨ' na jap tu bua gu nano-robot dhi’ mit ba’ kɨ’n jix matɨt ba tɨɨ gui’ kɨ’n na map jum daa’ gu tuku’n jix dhɨ’nbalh bapsɨkcha’m. Dhi’ ba’ pui’ dhuk jix bhai’ nam mui’ ji bhɨich dha’ nam jup ja dhuñia’ gu puchu'm nam ja kokda’ gu maimdhix kam gu da’nkar tuku’ ja’tkam ta’m.