Más jai’ch jai’ gu tumaxdharkam ke na jɨ’x guch bupui tɨnɨɨ’ñ. Ja’p na jax, gu kooko’ nɨɨ’ñ am gux juuk na jich chuku’ am jix max gio gu mɨmɨb nɨɨ’ñ am gu yooxi’ nam aixim tu’m colores tu yoot, nach ach ja’tkam cha’m poder nach chɨgia’.
Gu horno de microondas na bhan tum jukkadhi’ñ, a’ up gu tumaxdharkam nach sia pu cham nɨɨ’ñ na pui’ chɨ’ microondas gio sia gu celulares gio gu radios a’ gu bɨpgi’ gui’ na cham max nach bhan jich kɇka’. Bhammɨ hospitales jum a’nda’ dhi’ ja’p puchu’m gu tumaxdharkam gui’ na cham max, ja’p na jax gu rayos X nam ki’n jum bosu’ gu potos ga’n gu a’o.
Bɨx gu tumaxdharkam, gui’ nax max ja’pna gu mamxixga’n gu ki’or gio gui’ na cham max ja’pna gu rayos X piam gu microondas, pui’ jum tɨtɨ’ am radiación electromagnética. Na tu’ bhan jix matɨ’ nar jaxchu’m ma’n gio gu jumai dhi’ gui’ na jɨ’x jix o’. Japna jax, gu rayos X jix io’m gɇ’ jix o’ na gu tumaxdharkam gui’ nach ja’tkam nɨi’ñ, gio dhi’ñi más jix io’m na gu ɨ’lhich bɨpgi’ gio gu ɨ’lhich bɨpgi’ jix io’m jix o’ju’ na gui’ na radio ka’m no’ mu tum a’ga.
Na chich pai’ dhuk bix pu’ñi tu mat gu radiación electromagnética, matda’ kɨ’n jup tum duu ja’p na jax gu televisión, gu radio, gu celulares, gu potos ga’n guch a’o’ sia na jax ja’k jum bua gu kokdi’ gui’ no’x maimdhix gu tuku’.