¿Jax ap dui i’ya’ gu gɇ’ sudai’ chɨr kam, gux onkak gu sudai’? ¡Dhu, nap ja’k xi bhɨɨdha ji gu on! Mui’ jai’ch am nam tu ga’nga gio nam jup tu bua matda’ kɨ’n na kɨ’n jix bhai nach pui’ dhuñia. Gu ñi’ok gui’ na jix io’m joidham xi bua nach ba’ pui’ chu duñia’ jir dhi’ am gui’ nam ja’k bhɨbhɨ gu on gui’ kɨ’n gux ogɨm na ja’k jum bhɨbhɨ, ja’p na jax gux o’ju’ ga’n gu tanolh.
No’ chich mi’ xi chua gu sudai’ gɇ’ sudai’ chɨr ka’m tambhos ta’m gio no’ chich dhi’ tambhos mu xi ja darai ɨrbandɨr gu invernaderos, jix bhai’ na pui’m duñia’ na jax ja’k no’ duk. Gu sudai’ baportar na pai’ dhuk gu tanolh jix choiñka’; mɨkkat, gu boolhi’ jup jum bua na pai’ dhuk aiya’ jurban gu nailu gio damdɨrga’n gu invernadero.
Gatuk ba’, mi’ ɨrban dɨr jup jum bua gu “duk”; gu su’ngiga’n dhi duk jir am nam i’ya gu ja’tkam.
Gux matda’ pui tu juantu’ am na ba’ io'm jir pasil ka' na pu'ñi tum buada'. Gio jum a’ up nam tigia’ nam jax ja’k bhɨɨka’ gu sudai’ na cham tu binenmada’ piam na ikorta’ mudɨr gɇ’ sudai’chir hasta na pai’ jum a’. Dhi’ chi ba’ bhan jum echkada’ gui’ na cham pɨk ka jai’ch gu sudai’.