Xeen na nqueenya cwenta, cwii tsjom na lju' tsjo̠luee ndo' na ta'nan chi', nnda̠a̠ nndy'iaa na jeen jndye cancjuu cwila'xueendyeyo' tsjo̠'luee. Cancjuu m'an jla'xmanan ' cwii ñequioom'. M'an cancjuu na mant'manndyeti ndo' cancjuu na canch'undyeti, sa̠a̠ cha'tsondye cancjuum'an' s'aanan ' jooyo' ñequio jndye ndo' ñequio ts'ojndya̠a̠ na niom naquii' tsjo̠'luee.
We 'nan meiin cwiiñ'een'nan' ndo' mach'eenan ' cwii cal'o tsqueiin na cheindyochein jaawit'manna' ndo' jaawiijmein'nan', ñejomto nnc'aanan' ndo' nnaan chomnan' cantyja na jndye “hidrogeno” jla'xmanna'. Ñequio ñomtsco quila'cajndyuu nn'an na cwila'naan ñ'oom meiin fusiones nucleares.
'Na cwimacannda, nncwje'ñoomna' tiampo na nncwe' cwii caxjuu, xeen'ñeen nnan'ñeen ndo' cha'tso ljo' na tseiixmaan nd'oomnan' naquii' tsjo̠luee, cha'tso 'nanmeiin nntjoomnta'nan' ndo' mana nnts'aanta'na' nd'omchen' cancjuu.
Cantyja na jndye cancjuu jnda tseinan'nan ', jo' na jnda̠a̠ ts'aanan' tsjoomnangue na m'aanya nequio cha'tso 'nan na tseiixmanna', hasta jaa nn'an jla'xmaan na luaa'. Jo' na jeen l'ue na catseiitiuu' ndo' cwax'endyu', ¿chiuuwaa cwiluiindye cancjuu?