Nanotecnología luaa matseiicajndyuna' 'nan na cwila'naan ndo' cwil'a nn'an cantyja cha'tso ncjoo na canch'uti. 'Nan meiin xoocanda̠a̠ nnd'iaa' ts'an na cwe' luaa' joona', macanna' cwi xjo na jndyu microscopio cha na nnda̠a̠ nndy'iaa' ts'an joona'.
Cha na nnda̠a̠ nla'n'o̠o̠n'aa cwanti canch'u ncjomeiin catsa' cwenta na m'aan cwii caxjaan na mayuu'chen na cachjooñeiinwi' (cwii nanómetro na cachjooñen) na wjaacaayo' nacjoo' cwii ta̠reixa. Na la'ti' cachjooñeen caxjaan'ñeen ta̠reixa yuu na waljoyo' matseiijomna' na t'manna' chana tsjoomnangue 'naanya cwentaa' jaa.
Ncjo na cwiluii ñequio nanotecnología jeenchen canch'una' ndo' tijndye átomos ñequio moléculas cwiwiil'ue cha na nnts'aa ts'an joona'.
Hasta na maje'ndyo, tyonasei na cwil'a ts'iaan ñequio l'o̠ ts'iaanmeii, cwitjaa'ndyena 'nan meiin naquii' tjaan' quioo' ndo' cwiwityquioo' na cwiteijndeiina' jooyo' na nm'aanyo' xeen na wiiyo' cwii nom tycu. Jo' na cwilatiuu nn'an na cwila'naan 'nanmeiin na mantyo nnda̠a̠ nnteijndeiina' nn'an 'yochatindyo.