Tsí'ngo ìda ló' mbá'yo xúgíí àgu rí ríga. Àtiyá màtiyá, abù' nduya xé' xí mikhá ì'diú xàbò ixó má' àjma ndùyaa wàmba ñà'ñu rè'e rí xàbò tsiyaa.
Àjuàn' ejna rí nàtsígaa ganitsu (horno de microondas) nàjmu àgu rí tsíkújma mbí'yu microondas, xújkhó màj celular jamí radio rí nàjmá ló' muthá rá'a àun nàjmuu àgu rí tsi'ya ló'. Ná gu'wa thana phú nàjmaa ìmbá àgu rí tsíkújma, àjuán' ré mbi’yu rayos X, ngé nàgajnu xtí'khú ìtsu' xàbò.
Xúgíí àgu, rí nakhújma como xóo ñà'ñu tòkaya' jamí rí tsíkújma como xóo rayos X òò rí nàjmuu horno de microondas mbí'yu “radiación electromágnetica”.
Rí nasngájma mìna wambá àjuàn' ñajuun rí guathambàà àgu xúmúú nè òò nàjmuu nè. Àtiyá màtiyá, àjuàn' rí nagùwí xtí'khu ìtsu' (rayos X) ithá gakhì àgu gi'do nè kèxó àgu rí nàgo nùyáxii ló', rígè iwá mbàà àgu xumuu kèxó microondas, xu'kho màj microondas iwá mbàà àgu gi'do kèxó rí nàjmuu radio idú nùtha rá'a ló'.
Àgu rí nakhújma jamí rí tsíkhújma (radiación electromágnetica) nìguàtiaxíí xó nàgii màjmaa nèj àún wàmbá idó rí magájnu mbá'a inii àjuàn' nòxe', como xóo; televisión (rí maxná ajngáa mbuyá xàbò), radio (rí narigu àjngáá mùndxáwii), teléfono celular (rí na'thán ra'a), radiografías (xtí'khú) jamí xoó màgumá trá'a nèj xó nagi maguma thanaá nàndi cáncer.