Gi'iaj huenda so' si guyuman 'ngo diú ni ginahuij né huij ma yiñu' da' go'o', ani sa asinï gani ruat huin go'ot né ma né ña'anj, sani nanu ge ruat si uta nï' ma ni se si ga'hue go'ot. Daj ga'hue gi'iat da' ni ga'hue giyi'ne sa ni' da riña nee iaj dój, án ma si gishúnt ñá ma riñaj nuhuaj.
Uta man sa nadigui'ñu nej si, ni sa ri raa nej si, da' ni ga'hue gishun' ñaa riña né ña'anj, da'aj nej sa ña'an na huin garasun' da'aj nej sa nitaj si a'hui' yi'i io'oo, daj ró du'huej gui.
'Ngo sa ga'hué gi'ió huin si ga'ni' né ña'anj rua 'ngo gukuaj a, ni gune' gane ruhua 'ngo hue' nakaj a, ni 'nga ga'man ma 'nga du'huej gui ni gahui ga'ha an, ga'han da' ni ga'anj ma ni ganuj riñan nakaj a, nahuin ma nee ni narihiu ma, 'nga ni né nariu da nahuin ma né huij i da' ga'hue go'o´.
Hua ni' nadigi'ñu nej si daj ga'hue ga'ne' ñaa riki né ña'anj, ni dáj si gi'iaj yi'í nej si 'nga ginikaj nej si ga'anj nej si né da néj yuman' ni'ñaj né huij i.