A' gachin 'ngo cientu io'o, ni siganïj nej io' da ginari' nej sí nadigui'ñu neni' nej atï' ma yata'a si nej yi'ni' nej atï'ïn huin anéj riña ne', 'nga man gan' ma doj ni naj ió doj huin anej ma, sa nari' nej si ni ruaj gatá si 'nga diú na xi ni gima ninï' ta'u nej yi'ni' atï'ï.
Ganiro' gani' 'ngo kïj ï da gaj daj ru'hua 'ngo yukua, ni gachri' riki kïj da neni' nej atï'ïn ni neni' nej sa má yata'a, hue da ni ganiro' si na'nïjro'o' ni ganïn ma, ya'ni ni' sa ma riki, daj gurugui' neni' nej sa yigïn ni'ió, hue da gayi'í iúj u, hue da gayi'í diú.
'Ngo sa ruguñu'uj guentu na huin si 'nga giriñun nej si gachi' ma ga'anj yata'a ni guñan hua ña'an ma, hue danaj hua ña'án ná doj ra'nga ni'iaj nej si, ni hue gej huin, hue na 'iaj ni anï ro' si dara'anj ginu dugui' ta'u, sani guyuma 'ngo diú ni ganïn ma ni 'ngo xi giya'ni ma.