Kgatsiya' max kitsis puxum kata, takgska pi wa galaksias nima anankgoy kUniverso, (xlikatlanka k'akgapún) tsinu tsinu kinkatapanunikgoyan, chu kum tlakgmakgat wilakgolhcha tlakg sliya tamakgatníkgoy. Kum aytaukxilhli, tlantiya' natawan pi chi makgaana', tlakglakatsunin xwilakgolh paks tuku anán anta'.
Kum xlakaw lantla xkawanit makgasata' k'kiUniversokan, tlakglakatsu xwilakgolh paks tuku anán k'kakilhtamakuu, wachu xpalhkata tawan pichi max niliuyaja', paks tuku anán k'kakilhtamakuu xtalakxkitinukgonit anta niku luu k'kapulaktsina.
Kaliwiliw parchu luu aktsina xtlawatit akgtum sipij, tlakgluu aktsina nixtachuna chaan, chu xmanutit chichini', ma kigalaksiakan chu paks galaksias nima anán, alistalhinchu kamakgaxtakgtit.
Akxni' namakgaxtakgatit, napankgtaxtuy paks tuku xmanunitantit. Naymachú kilhtsukulh kiUniversokan; naa'kxni kilhtsukunit kilhtamaku chu paks tuku anán. Wa uyma wanikan “la gran eksplosion” (Akxni' laa luu litlewekge pankgnalh), wa uyma lakakikgoy tiku putsakgoy tuku anán kxlikatlanka k'akgapún', laa lichiwinankgoy lantla lakatsukulh kiUniversokan.
Wa uyma luu litlewekge pankgnalh malakatsukilh makgskgot chu paks tuku uku ukxilhaw, chu tuku anán k'kakilhtamaku.
Tipatum tamasiy wa tuku matliwakglha uyma takatsin, wa akxni' nalakachipina' k'akgapún, maski lakatum lakatum nalakapina', lakxtuma xlikachichi lantla xlikatlanka k'kiUniversokan. Pus wachu lilakapastakaw pi paks tuku anán k'kakilhtamakuu luu makxtum xwilakgolh.