INALI wan pi kgampatujun nkgalhiy xtachiwin tutunakú nima lichiwinankgokan Kkgampalhuwa taxtunú (Puebla) chu Kgalhu (Veracruz). Uynu ktatsokgni' talakaskilh tutunáku xalak xpuytat pakgalhu.

Tatsokgni' nima talitsokgnalh uynu ktaskujut anta makatiykanit: k“xalimakgatsokgni tutunakú Norma de escritura de la lengua tutunakú (totonaco)”, akxni' kata 2017 maxtunit tatsokgni' Instituto Nacional de Lenguas Indígenas. Xalimakgatsokgni tutunakú wan pi puxumatutu natalakaskin litsokgni (akgkutsayan kgalhstokgatsokgni chu akgkitsis kgalhkgeni'atsokgni) lakumpi tlaan natatsokgnan ktutunakú. K'tabla 1, tamasiyu kxaliakxilhtit tatsokgni' nima talakaskin:

Tabla 1. Tatsokgni' nima maklakaskin tachiwin tutunakú

Tatsokgni' Tutunakú
Tatsokgni'	a	Kg	t	I	u	s	n	k	P
	l	lh	x	m	ts	w	ch	e	o
	y	tl	j	r	'
Xtukuwni Tatsokgni'	a	kga	ta	i	u	sa	na	ka	pa
	la	lha	xa	ma	tsa	wa	cha	e	o
	ya	tla	ja	ra	pixlakgchaw

Xlitawanat, pi akgtutu talakaskilh tatsokgni', nay litatsokgnan ktachiwin tutunakú. Wa umá akgtutu xalaklhman kgalhkgeni'atsokgni tamaklakaskilh: aa, ii, uu. Xlakaskinka lantla xlimakgas takgaxmata kgalhkgeni'atsokgni xpalakata pi nilakxtum tu wamputun, lantla uu'tamasiyu:

(1)	a.	‘ktlawalh kintaskujut	'Hice mi trabajo'
	b.	makgat ktlaawalh	‘Caminé lejos'

Uynu ktatsokgni', xataskiwi tachiwin nima makgtanukgonitá ktachiwin tutunakú chu maklakaskin xamakaksanan, naa xlitatsokgot lantla tamasiyulh k'tabla 1. Wampi, xataskiwi tachiwin nima talakaskilh chu niwa talitsokgnan ktutunakú chunta tatsokgli lantla luu tatsokga (nay tatsokgni' ‘células' xalak kasteyanu).

Kgempalhuwa anán xalekgalhtawakga lantla xlitatsokgnat kxatutunakú, nay xla tatsokgni' /q/ wanikan ‘consonante oclusiva uvular sorda'¹. Tatalhkawlinit k “Xalimakgatsokgni tutunakú” pi wa uyma tatsokgni ‘kg' xlitatsokgnat kxatutunakú, wampi k'amakgapitsin lekgalhtawakga tatsokgni' ‘q' litatsokgnanit.

¹ _{Anta tiyka k’Alfabeto Fonético Internacional (lakkaxtlawakanit kata, 2005).}