¿Lantla tlaan xlikgotnaw xchuchut pupunu'? Pus… ¡Kaxlitamakglhtit xliskgokgo! ¿Xkatsiyata' pi lipekwata' taputsanama chu takaxtlawama xalaksasti liskuni' nima tlaan natalimakglhti xliskgokgo? Tipalhuwa anán xalaksasti liskuni' nima tlaan nalitamakglhti matsat tiyma chuchut, chaa wa talhkaskin nima ninakalakgalhi k'katuxawat, lakumcha luxlitliwkge chichini'.
Wampi namujuya' chuchut xala kpupunu' ktambo chu namanuya k'aktsu chiki', antani luukachichi xtatna k'invernadero, tlaan natamalakgspita chuchut, akxni' laa mixixi tsuku lay ma chuchut nima tujuma ktambo, xunutawakay kxtankgenin chu kxakstin invernadero, alistalh wa uyma chuchut nima tsuku staja anta kxpulakni invernadero natamastokga chu tlantiya nalikgotnankan.
Putsananimakaku' lantla aktanks natatlaway parchi liswana kstalhi uyma chuchut chu lantla nataliyan xchuchut pupunu' asta k'invernadero, chaa kuenta natatlawa pichi tuku natamaklakaskin laanatalimin tiyma chuchut ninakalakgalhi katuxawat, tapuwan pi kaanimakgas nalh kintikatsankganin chuchut.