Wa nanotecnología lekgalhtawakga chu tlaway laktsu liskuni' luulaktsina asta nikatiukxilhti kachunta, sino talakaskin akgtum microscopio nima tlaan nataliukxilha.
Wa uyma xlilaktsina lilhkan wanikan nanométrica, lakumpi natakgatakgsniy lantla xliaktsu uyma lilhkan, kaliwliw par xkgalhiw tantum aktsu luwa, akgtum nanómetro xliaktsu, chu anta xmaklatamalh akgtum laxux, wa uyma aktsu luwa luutlanka naukxilha uyma laxux ¡xaliwaka lakumu xlitlanka kinkatuxawatkan!
Wa laktsu liskuni' nima tamaklakaskin knanotecnologia luulaktsina asta kaatantsu moléculas chu atomos litlawakan, pus wa uyma laktsu liskuni' xtachuna' xlilaktsina makgapitsin moléculas.
Wa tuku luuxlilakaskinka uyma laktsu liskuni' wa par tlaan natalakaskin ktamakuchin anta niku takaxtlawama lulaktsina robots wanikgokan nano-robots, wa tuku tlaan namakgtayakgoy osuchi kaanamalakgsputokgoy células naychu células cancerígenas.
Tamalakxtumilha' tipalhuwa moléculas nima litlawakgokga nanorobots chu uyma takgskgonita' células cancerígenas ktakgalhinin tsiya. Wa uyma wan pi tlaan natatsuku kaxtlaway laktsu liskuni' nima natalimalakgsputuy células cancerígenas nima kgalhikgoy karstianu.