Tlakgtipalhuwa anán makgskgot, nimanwa nima tlaan liukxilhaw kilakgastapukan. Kaliwliw, naychu luuwa' tlaan ukxilhkgoy lantlha xlichichi maktaxtuyaw k'kimaknikan, chu seera tlaan ukxilhkgoy tipalhuwa xtamanin nima kgalhikgoy xanat, wa nima nilaa ukxilhkgoy kristianu.
Lakampi tlaan namachichikgoy liwat ma ornos de mikro'ontas, maklakaskinkgoy makgskgot nima naanilaa ukxilhaw, wanikan mikro'ontas, astachu nayma selular chu radio naamaklakaskinkgoy makgskgot nima nitasiyu, tlaanchi nalaxakgatliyaw. Anta kpumakuchin luu tamaklakaskin aatipatu makgskgot nima nitasiyuy, naychu rayos X, nima malakgxkgakgay kilukutkan.
Paks uyma makgskgot, nima tasiyuy naychu chamakxkulit chu nima nitasiyuy naychu rayos X osu mikro'ontas, wanikgokan radiasión elektromagnétika. Wa tuku litalakgpali uyma akgatunu makgskgot wa lantlha xlitliwekge. Kaliwliw, wa naychu rayos X tlakg'kgalhi xlitliwekge nixtachuna makgskgot nima tasiyuy, chanchu uyma makgskgot nima tasiyuy tlakg'kgalhipalay nixtachuna mikro'ontas, chanchu uyma mikro'ontas tlakg'kgalhipalaychu xla xlitliwekge nixtachuna tuku tamaklakaskin kradio.
Akxni' laa akgatakgsniw lantla skuja radiasión elektromagnétika, tlantiya tsukulh tamaklakaskin kteknología (xalaksasti liskuni') naychu ktele, kradio, kselular, nay tuku malakgxkgakgay kilukutkan chu tuku limakuchikgokan tiku kgalhikgoy kánser.