Kä mij miampa tzujkämä mij kuyguy akaboya'omo y mi kienkin'pa mäji tzap'pomo mami isy mumu matza ityajupo, yän te matza majmus te ispa jaitäk te poya.
Te jama täwätame te matzajin, wene mäjata y eyatampa motzitan, ijpuyajuse pänyayajpa anketipä tojnajin y joko ijtyajupo yayi tzajpomo.
Te to'na y joko tumiajpa jama ko jama y usta usta mäja'ayajpa y nye kiujkomo jujpa y nutztäkäpa.
Te tok'na y joko käsy ityaju tätätampo tza'unesetampo ke jimus de isä y nyä'äyäyajpa átomo, de to'na y joko nutztäkäyaj'juk yän tza'unezetampa paj'kindujkiajpa y tumyajpa nyejkomo, yän tumguy nyäjmayajpa fusión nuclear. Winapo tumbapä tijyäkähkä hidrógeno, yän jänjänyäpäte y jene mumu ijtu yajyi tzapomo ijkuy.
Usta usta tumyajpa y tzuntzujnyeyajpa jemetztambo átomo y zäntzumpa. Tese pänyayajpa te matza.
Te matza sänhkä mumpak muspa de näjmä ke te matza näjme ne' kiau, wäjkä kiät jäkse wijna pänyäyajpa de matza , kenba woti ame y jojsikan ka'pa.
Ka'pakj te matza pänpa kotzäjse y itpäyajuse átomo ne ijtupä piatzpäjpa, y mitzyajpa matzatujkomo, jetze kiotzonyajpa eyatampa matza wäjkä pänyayajä. Te nasakopak y ankätiyä ijtu jetkämä ne ijtu jäksetampa átomo ne ityajupo de matzais, jetkotoya numyajpa ke te äjta te matza toj'na tampänhkä.