Te tzame te yaj eya kenba, tzyij'pa wojpä kene yäjki te najsakopack, muspa te ne wejeneya eyatambo ponda  nyäktäyäpas mi ote y eya nasjsom muspa nonyajä mi jiutponhä. 

Tumo mujapä kumkhuy o nación juk nye piända ne ityaju eyatambo ote tzuni te amba y te anhjampa jut  wejeneyajpak, nye tzameta y te tzameta tzyijpa eya kene te najsacopack. Te äjta como mexicanos te ne ijta  jet musojkuy, mexico'omä ijtu wojti pän eya ote ne ityaju y ayatampä mujsojkuy, anke jut mi mianhä mi pajpa jetzetampa pän ote wejeneyajpa. 

Wajkä te näjtäyäyä eyatambä ote muspa te yaj yosa jaye y ke eyapos pänis mi isintzyi'yä miuspapäs jit ote,  sin embargo jatene'ijtamä itpäyuse mujsojkuy, jetkotoya ke Sociedad Mexicana de Física, Instituto Nacional de Lenguas Indígenas, soka, papiyomo, tzambän y yomotam musyajpa ote y pända anmayaju ne ityaju mujsokuy fisica'omä tzäkyaju yän jaye ke muspa mi tujnä yän libru'omä. 

Yän tujtay jaye metztambajtzi ke mijtzi mi näktäyäyä juntzyeske te universo, ti'yän josyajpa yän mujsoyajpa pän y ti tzäkyajpa. Yän tätäpä libru ne ijtu wäjti pojnis yojse, joktambajtzi ke mi tujnä y mi  kiotzonhe mi mujso'yomo.