Idiomas español | bats’il k’op | Maayat’aan
Noj K’imbesajil Na’tsil T’aan 2018
Tu ja’abil 1999e’, u Organizacionil Naciones Unidas para la Educación, Ciencia y la Cultura (UNESCO) tu jéets’aj 21 tu winalil febreroe’ je’ex u Noj K’imbesajil Na’tsil T’aan, uti’al u:
• U k chíimpoltik bey xan k meyaj uti’al ma’ u xu’ulul u jejeláas t’aanilo’ob yóok’olkab.
• U ch’a’a óolta’al u t’aanal jejeláas t’aanilo’ob bey xan u yaantal jejeláas miatsilo’ob.
• Ka táakpajal ya’abchak máako’ob uti’al u ts’aaba áantaj yéetel taak’in uti’al u beeta’al meyaj yo’osal u chíimpolta’al u t’aanal jejeláas t’aanilo’ob bey xan u ch’a’a óolta’alo’ob ti’ tuláakal kúuchilo’ob yóok’olkab.
Le k’iina’ káaj u k’imbesa’al tumen u Múuch’il yo’osal u T’aanil Bengalí, káaj u k’iimbesa’al tu ja’abil 1952, u k’iinil ka ts’o’on tumen poliso’ob yéetel wacho’ob ya’ab máako’ob ku t’aniko’ob bengalí chéen tumen táan u k’áatiko’ob ka’achil tu kaajil Dhaka ka chíimpolta’ak u páajtalil u t’aniko’ob u t’aano’ob.
Tu Noj Lu’umil Méxicoe’, ku ya’alik tu Ka’ap’éelal Artículo U Almejen Noj A’almajt’aanil u Múuch’ Péetlu’umilo’ob México yaan jejeláas kaajo’ob te’ noj lu’umila’, bey xan jejeláas miatsilo’ob, yaan jáalk’abil uti’al u kuxtalo’ob je’el bix u káato’obe’ uti’al u kanáantiko’ob u t’aano’ob, u tuukulo’ob yéetel tuláakal ba’ax yaan tu miatsilo’ob.
Ka beeta’ab le a’almajt’aan ti’ k noj lu’umila’, káaj u meyaj u mola’ayil INALI uti’al u k’ajóolta’al yéetel u chíimpolta’al jejelás táanilo’ob, uti’al u mu’k’a’antal u t’aano’ob u másewal kaajilo’ob le noj lu’umila’, bey xan u múuch’ meyaj yéetel u jala’achilo’ob u múuch’ petlu’umilo’ob México.
Lebetik cada ja’abe’ INALIe’ ku payt’antik tuláakal máak ka u k’imbes le k’iina’ uti’al u yaantal múuch’ tsikbal ichil máasewal kaajo’ob, aj kaaxano’ob, mola’ayo’ob yéetel tuláakal kajnáalilo’ob.Ti’ ba’ax ku jéets’el DILM 2018
Ts’íibt ba’ax ken a beetej
Redes sociales
U ju’unil le múuch’táambala’
