Idiomas| Maayat’aan | español
U Much’táambalil Peten uti’al u chíimpolta’al Maayat’aan
Ichil ba’ax kun beetbil uti’al u Noj K’imbesajil Na’tsil T’aane’, u mola’ayil INALI yéetel u petenlu’umilo’ob Campeche, Yucatán yéetel Quintana Roo, bey xan yéetel u yáantaj tuláakal máak, ajka’ansajo’ob, ajts’íibo’ob, aj k’aajo’ob ich maaya yaan u beetiko’ob u Much’táambalil Peten Uti’al u Chíimpolta’al Maayat’aan, tu k’iinil 21 yéetel 22 tu winalil febrero tu noj kaajil Jo’, Yucatán.
Yéetel le much’táambala’ ku kaxta’al u k’ajóolta’al yéetel u chíimpolta’al maaya ti’ tuláakal u petenil Yucatán, uti’al u t’a’anal yéetel u ts’íibta’al maaya ti’ tuláakal kúuchilo’ob, tu kúuchil u meyaj jala’acho’ob, ts’ook u káajal le meyaja’ tumen yaan u Nu’ukbesajil u Ts’íibta’al Maayat’aan, ts’a’ab k’ajóoltbil 10 tu winalil octubre tu ja’abil 2017 tu noj ju’unil Diario Oficial de la Federación, yetela’ ku ch’a’a óolta’al yéetel ku chíimpolta’al le t’aana’.
Ti’ ba’ax ku jéets’el u Múuch’táambalil Peten
Redes sociales
U ju’unil le múuch’táambala’
