69 p’éelal u t’aanilo’ob le noj lu’uma’

---

Tuláakal kaaje’ u kaxamaj u moodoil u tsikbal, k ka’ansa’aj yéetel k múuch’ tsikbal ichilo’on. K kanmaj t’aano’ob jejeláas u juumo’ob, yaan jejeláas xoot’ t’aano’obi’, bix k tsoolik, yéetel bix k beetik u meyaj, bey xan ba’ax u k’áat u ya’al. U yaantal jejeláas t’aanile’ ku ya’alal “diversidad lingüística”.

Yéetel le t’aanilo’obo’ ma’ u tu’ubul kuxa’an le kaajo’ob yéetel máaxo’ob t’aniko’; bey tuna’ le jejeláas t’aanilo’obe’ ku ye’esik bix máak yóok’olkab. Méxicoe’ ti’ yaan ichil lajump’éel noj lu’umilo’ob tu’ux ku t’a’anal jejeláas t’aanilo’ob, je’ex Brasil, América; Nigeria, Camerún yéetel Zaire, ti’ Áfricae’; India yéetel Indonesia, ti’ Asia, bey an Papúa Nueva Guinea yéetel Australia, ti’ Oceanía. U jejeláas t’aanil k noj lu’uma’ ku k’ajóolta’al tumen yaan 68 p’éelal máasewal t’aano’ob yéetel káastelan t’aan k’ajóolta’an waye’.

Jump’éel nojoch ayik’alil u t’aanal jejeláas t’aanilo’ob tumen máasewal kaajo’ob, tumen jujuntúulile’ ku ye’esik jejeláas moodoil kuxtal, ku ka’ansik ya’abkach ba’alo’ob yo’osal u miatsil. Ka’alik xane’ le t’aano’oba’ úuchben t’aano’ob p’ata’ab tumen úuchben kaajo’ob tu’ux ku taal tuláakal u kajnáalilo’ob le noj lu’uma’, lebetike’ jach k’a’anan ti’ tuláakal k éetlu’umilo’ob.

Ti’ ba’ax ku jéets’el DILM 2018

K t’aano’ob, k páajtalilo’ob

69 p’éelal u t’aanilo’ob le noj lu’uma’

U Nu’ukbesajil u Ts’íibta’al Máasewal T’aano’ob

Múuch’táambalil Peten

---

Redes sociales

---

U ju’unil le múuch’táambala’