Idiomas español | bats’il k’op | Maayat’aan
Sk’aalil yich’el ta muk’ te bats’il k’opetike 2018
La yal te Naciones Unidas yu’un te kuxlejale ta jawil 1999, te ja’ la me sk’aalil yich’el ta muk’ te bats’il k’opetik te 21 yu’un febrero-e, jich yu’un te k’aalil-ito:
- • Ya stak’ kiltik te bit’il ya jpastik te aka pajaluk ich’biluk la ta muk’ te bats’il k’opetike sok te aka yich’ ilel te pajal ay stuilik te k’opetike.
- • Ya stak’ kak’tik ak’el ilel te bayal ta chajp te k’opetik ta spamal balumilal.
- • Ya stak’ jk’antik te aka ayuk mantaliletik ta stojol te mach’a ya xk’opojik ta bats’il.
Te sk’aalil yich’el ta muk’ te bats’il k’opetik la yich’ ak’el ta stojol te wokolil te la staik ta 1952 te mach’atik k’opojik ta bats’il k’op Bengali, melel te k’alal-a yakalik ta sk’anel te aka ich’biluk ta muk’ te sk’opik sok te sts’umbalike la yich’ik uts’inel sok la yich’ik milel ta lumalil pakistaní.
Ta schebal articulo ta muk’ul smantalil Méxicoe, nak’anbil te bayal ta chajp te bats’il k’opetik sok te ts’umbaletik le ta jlumaltike, jich yu’un albil te ay ich’el ta muk’ ta stojol te ya stak’ yilik te skuxinel te jujun lumaletike melel ja’ik te mach’a ya stak’ spasik te aka ma xtub te sk’opike sok te sts’umbalike.
Ta stojol te bina la yich’ a’alel ta smantalil jlumaltike, la yich’ pasel te INALI, Snail ajwalil te ja’ yat’el yilel te aka ich’bilukla ta muk’ te bats’il k’opetike, melel sk’anme te aka spas at’eliletik ta stojol te sk’anme te aka ma xch’ay te k’opetik sok te ts’umbaletik ta jujun lumaletike, soknix ya’me sbijubtes te ajwalil ta stojol te sk’anme te aka yich’ pasel mantaliletik ta stojolik te mach’a la jkaltikixe.
Ta stojol te bina la jcholtikixe te INALI-e ta jujun jawil ya yil te bit’il ya spas te aka yich’ik ta muk’ te bats’il k’opetik te jujun lumaletike, te snail ajwaliletik sok te snail nopjunetike.
Swentail te DILM 2018
Ta banti ya yich’nak’anel te at’eliletike
Te redes sociales-e
Sjunal te at’elil te ya yich’ pasele
